世紀迷思之療程效果可以keep到幾耐？ 膠原蛋白增生療程系列(電動微針，彩光/激光，提升療程） 1. 膠原蛋白增生需要三至六個月，做完療程之後兩個星期或者一個月你會覺得有變好，但係有啲時候會發現做完療程第三個月開始突然間變得更靚 2. 療程效果係累積性，再配合膠原蛋白增生需時，每做一次療程，效果會越嚟越好，但當然世界總有盡頭，取決於個人基因 3. 人類喺每1秒都會老化，除非每一日都有好多抗老習慣，例如早睡早起，做運動，食啱野，用啱嘅護膚品，返工唔好咁大壓力，先至有機會可以逆轉老化 4. 合適嘅療程可以有限度地改善現有狀況，但冇辦法改變基因，所以療程停咗之後，會因為個人嘅新陳代謝生活習慣變返自己原本自然嘅狀態（凹凸洞改善程度例外，因為凹凸洞唔係一個人「自然」狀態） 5. 做咗療程，可以延緩衰老，但療程只係幫助，好難單靠療程就做到抗衰老，日常生活習慣先至係重點 6. 大部份療程，完成後最初滿意效果，一般建議半年至一年後Touch up，唔係療程令你有倚賴，而係鞏固療程可以維持治療效果，並且持續刺激膠原蛋白新生