今日富貴friend同我講，人係賺唔到自己認知範圍以外嘅錢。 令我諗起巴菲特、蒙格成日講嘅能力圈： 每個人都有不同擅長，懂得不同知識，接觸不同生活圈子，應該就自己認識嘅範疇入面決策。但係有啲人以為自己認識嘅比實際上多。 近排Market Crash唔知衝擊咗幾多 少年股神 或 Crypto新晉。起初佢哋會對一啲投資話題侃侃而談，但其實說不出所以然來。 ●知道一點 ≠ 真正掌握。 可能有人睇咗一啲文章，或跟風下認識咗一啲流行用語，但未有深入研究意思。牛市時順風順水，自然覺得自己非常巴閉、萬中無一、天選之人。但係潮退時，方知自己冇著褲。自己嘅知識其實係空空如也。 我希望提點自己唔好中呢種過度自信嘅認知陷阱。所以今年一直以嚟都 Threads 記錄自己學到乜、有咩想法。其實，巴菲特等人亦講過能力圈係可以擴充嘅。 本人以前投資經歷都係咁，一開始買軟件股，因為日常需要用到，屬於我理解範圍。但慢慢地，我開始認識雲端軟件服務需要強勁算力推動，開始認識晶片股同埋半導體產業鏈，覺得非常有趣。唔敢講成為專家，但係所企嘅位置一定係比以前高。希望能夠一直keep住這種一直學習嘅精神🫡