我：「你做到中醫都好叻！可唔可以問多個問題呀？」我諗住了解多啲佢嘅故事，不自覺地進入咗「記者模式」。 佢笑笑口：「問咩呢？」 我問：「你做呢行要對住咁多客，又要溝通，會唔會好辛苦？」 佢諗咗一諗，然後答：「還好，我習慣咗。不過有啲客講嘢太細聲或者太快，我都會同佢哋講清楚，請佢哋講慢啲或者大聲少少。我屬於輕中度嘅聽力損失，唔算太嚴重。」佢嘅語氣非常坦然，好似呢個「小問題」對佢嚟講根本唔值一提。 我聽完由衷讚佢：「其實你真係好叻！」 佢笑咗下，帶住一絲謙虛：「冇咩嘢嘅，習慣咗就得啦。」 但我越聽越佩服，忍唔住問：「不如我幫你寫下故事，好唔好？我覺得你嘅故事可以好鼓勵人。」 佢搖搖頭，笑住答：「唔使啦，我鍾意低調啲。」 見佢堅持，我唯有作罷：「咁好啦，但我覺得你嘅故事真係會令人感動。」 佢又笑咗笑，唔再多講。我哋嘅談話過程唔算太長，佢畀我嘅感覺係一個低調又專注嘅人。睇完診，我站起身，臨走前忍唔住再問：「真係唔使幫你寫故事？」 佢再次笑住拒絕：「唔使啦，真係唔使。」 我走出診室，心入面對依位中醫師留下深刻印象。 有時，低調嘅人，反而係最值得敬佩。