今日幫手帶班大學生參與「Future Ecopreneur Prog」生態創科計劃，第一日嘅活動先去參觀唔同嘅可持續發展研究中心，然後再做ideation。 第一站係參觀科技大學海洋研究中心，了解到一啲海洋生物嘅特性。 例如，海星同海膽嘅食嘢方法好特別，佢哋會將胃伸出體外，把食物消化成液體之後，再吸返入身體，一個好神奇嘅過程。 我哋亦有機會認識竹鯊（bamboo shark），發現佢哋嘅繁殖方式好獨特。鯊魚蛋可以喺唔需要雄性嘅情況下，單靠雌性自己生出下一代。 講到龍蝦係一種好有痛感嘅動物，被直接加熱嘅時候，會感受到好大嘅痛苦。所以瑞士已經禁止喺龍蝦未死之前就活生生煮佢哋。我哋平時食嘅龍蝦，好多其實都係仲未有機會大換殼嘅。佢哋本來可以不斷換殼生長，甚至好長壽，但好多時未等到換殼，就已經畀人食咗。 今次嘅參觀只係計劃嘅一部分，最終目標係希望學生可以透過呢啲經驗，諗到一啲idea，喺做創科生意嘅同時，又幫到可持續發展。聽日就係第二日嘅facilitation，期待有更多啟發！ *相片/影片對於海洋生物嘅碰觸都係經過研究人員嘅指導+批准。