Gfriend 香港場 平時追開男團 小女友係我唯一追嘅女團 今次第一次去小女友演唱會 亦都係我第二次睇女團演唱會（第一次係vivz) 見到好多令我驚訝嘅事 所以想問下大家正唔正常 畢竟男團同女團粉絲群唔同 文化都可能唔同😅 1. 隨便離開位 扔簽名波嗰陣竟然前面幾排一齊離開位衝去前面 第一次見係咁搶簽名波 一直以為係有錢買前排再加好運先拎到 如果係正常嘅話 咁我希望女女們千祈唔好落舞台 畢竟如果後面有樣學樣又衝去前 面嘅話 衝最前嘅人唔保證可以平安無事番屋企 仲有可能連女女們都受傷 Encore 個陣又衝去前面扔嘢上去 一個演唱會見到兩次啲人衝去前面 搞到我都唔知衝去前面其實係咪正常 2. 企起身 我知道企起身係有mood 啲 但我參加過嘅港場如果唔係愛豆叫你起係唔可以起 但今次扔簽名波又自己起Encore 又自己起 企起身都算 但企起咗身又唔跳又唔high 仲要俾女女們話我地做咩唔一齊跳 我去男團演唱會如果企得起身一定跳到攰 都知香港係大平層啦 如果企起身同坐係到氣氛一樣 不如坐番係到唔好阻住後面睇 總之今次係我睇過最混亂嘅演唱會