場景一轉，又返返嚟屋企，一開眼又好似輪迴咁又要發生多一次，咁我feel到樓下應該又準備爬上嚟，匿入房稍下窗出面，見到有隻手！望真啲原來係我啲朋友，佢哋諗住比個surprise 我，見穿咗煲，就攞住蛋糕行出嚟，我就好急咁叫佢哋走，因為望落樓下又有一批人準備上嚟 佢哋唔肯走，咁我就借佢哋電話打999，但係無論我打999/救護站電話，全部都駁晒去個男人度，以為叫得救命，但覆嗰個全部都係個男人！(◎_◎;) 跟住畫面一變，我變咗個男人，身份應該係善後嘅人，邊伯賢樣，應該係喺捉人嘅時候整親隻右眼，跟住就揞住隻眼，一路行一路同下屬講嘢，之後佢發現我流晒血，就拉住我去臨時站叫姑娘幫手 個夢去到呢度就完咗 真係好得人驚🥲 係好耐之前都發過一次呢個夢