琴晚演唱會整體嚟講其實都算good trip (at least演唱會嗰幾個鐘大部分時間都幾good trip)🙂‍↕️ 反而開場前同散場後有少少bad trip🙂‍↔️ 開場前喺會場外排應援嗰陣我同人買咗塊燈牌 (雖然塊燈牌唔係官方同埋少水魚，但我覺得幾靚同幾有紀念價值所以都係買咗🙈) 結果比後面兩條女勁大聲笑我on9 仲話咩毒撚嘅錢真係易賺 Hello? 你哋唔係覺得你哋講嘢咁大聲我會聽唔到呀嘛🙃 排隊嗰陣已經聽到你哋喺度對其他人評頭品足 冇諗過你哋會喺我背後(literally背後)笑我 我知我毒撚我水魚 但都冇必要咁大聲喺我面前笑我😊 我擰轉頭你哋仲要繼續笑 真係好似以前中學d八婆講是非🙃 我希望你哋依家仲係學生先咁口不擇言 ——分隔線—— 至於散場後單嘢 散場嗰陣我因為電話冇電所以喺亞博借咗個尿袋 結果搭完機鐵落車先發現青衣冇位還 最後輾轉之下我搭多咗幾個站去還尿袋😂 仲要還嗰陣啱啱好過咗一個鐘要比多幾蚊🚬 不過呢單嘢係我on9帶咗個冇電嘅尿袋先會發生🤡 (圖: 陪我橫過咗幾十公里終於搵到屋企嘅尿袋🤡) GFRIEND 10th anniversary