香港學校啲校訓通常係德智體群美 但講到底大部分家長都係重視學術成績 升唔升到好學校 讀唔讀到神科日後有無錢途先係最緊要 好似所有人都係競爭對手 大家都忙獨善其身 到自己啲細路喺美國讀書 美國學校無香港咁 chur 學術（雖然都睇地區） 反而好著重小朋友情緒同社交能力發展 同華人嗰套「重視德行」（有無禮貌、有無尊師重道呢啲愚家嘢）唔同 佢哋重視小朋友能唔能夠同人溝通、融入群體 所以 Be Kind 係個好重要嘅課題嚟 好多美國學校都有 Be Kind campaign 一來美國文化比較多元(攞十二、一月嚟講，有人慶祝聖誕、有人慶祝 Hanukah、有人慶祝 Diwali、有人慶祝元旦新年…) 二來學生家庭背景不同差別可以好大（尤其經濟環境上） Be kind 就好重要 點樣 be kind? 即係要小朋友be inclusive, be thoughtful and caring 同 be empathetic 全部都唔易㗎，做到真係好叻好抵讚 而個小朋友做到，即係爸爸媽媽都做/教得好 所以聽到係會好開心 你做咗件好事 ❤️