今日聽一個女性朋友分享佢爸爸媽媽嘅相處故事 話說佢爸爸媽媽感情好好，關係亦都冇問題 只係因為媽媽自從我朋友出咗世之後就開始係全職主婦，所以屋企嘅收入來源一直都係靠爸爸工作而來，佢媽媽同我朋友分享原來十幾年前，記得當時因為爸爸返工好辛苦壓力好大，而媽媽又要留喺屋企照顧做所有家務亦都好攰，佢哋兩個臨瞓之前開始帶住大家嘅情緒去溝通，嗰陣時嘅對話係： 媽媽：今日好攰呀全日做家務湊住個女，你去幫我拎杯水啊 爸爸： 你已經全日喺屋企㗎啦喎，我先係出去做嘢嗰個，你自己拎啦 就係咁媽媽嗰刻意識到，原來做全職主婦嘅嗰種無奈係，屋企嘅收入的確係全靠爸爸，而佢自己都覺得自己好似要倚賴住呢一個老公先至可以生活，佢都冇聲出 後來慢慢就同我朋友講：做女仔一定要有底氣，就算個老公幾錫你賺幾多錢都好，你都要有自己嘅收入照顧到自己，安全感係自己比自己唔應該倚賴外在嘅人事物🤍 所以我呢個朋友到呢一刻，都記住咗媽媽呢句說話 同自己講，安全感係自己比自己唔需要倚賴任何人，包括係你最親嘅另一半或者家人都好，獨立真係好重要✨