我唔知會唔會推到上流量，亦都知一定會有人唔同意我既講法。 但係如果作為識睇電影嘅人唔該你幫手share。 3月15日星期六 旺角新寶 睇左套米奇17 睇到最後出Credit 戲院竟然開射燈、校細音響最後直頭熄埋，然後趕觀眾離場。 我直然話：未播完架喎。 員工姐姐：係呀，電影已經播完㗎啦。 清潔阿姐：字幕黎架炸。 我：字幕咁即係未播完啦？ 員工姐姐：係呀，真係唔好意思。 我：唔係好唔好意思，而係對電影嘅尊重，同時都係對觀眾嘅尊重。 員工姐姐：唔好意思啊，唔好意思。 我有一刻有諗過好唔好繼續糾纏落去，可能叫佢開返聲俾我繼續睇，或者可能叫佢退款，但當刻諗到其實兩個都係打份工，所以我都冇為難人哋。 大概可能由睇幻愛嘅時候開始我就已經會坐低睇埋Credit先走，即使咩戲都好。一直都覺得要睇埋Credit先係真正睇完一套戲。 我知有人會唔同意，我亦都唔係想講咩大道理，我只係想講，我屌你老味我未撚睇完。 好耐之前都聽過呢間戲院會趕人走，但係我冇遇過所以冇乜特別話唔去呢間，因為佢學生價真係好平，前排好似話佢會執？不意外。