想要碎碎念一下⋯⋯ 自從家姐眼角受傷，就有唔少人講係細佬整到家姐/細佬成日蝦家姐，但熊貓BB打交係正常事～ 一嚟係玩緊，二嚟佢哋都係學緊點同大家相處～ 都有可能細佬唔小心整親家姐，佢哋係動物，打交時唔會遷就力度～ 相信佢哋都好愛錫彼此，畢竟係一齊長大嘅好姐弟，也是好朋友。 大熊貓嘅骨骼密度大加上肌肉結實、厚實嘅皮毛同充滿彈性嘅脂肪。仲有圓渾嘅身軀起緩衝作用（by Mandy 奶媽） ，所以大家唔使擔心家姐細佬跌落嚟，佢哋嘅身體結構可以保護佢哋～跌跌撞撞，都係成長嘅過程之一，佢哋會慢慢探索，學識更多技能～ 大熊貓野生環境下都會存在有不同嘅石頭同樹木～ 盈盈媽媽同場後，都可能會推家姐細佬，呢啲都係一種引導同教導嘅方式，教緊佢哋生存技能～ 可以參考下愛寶同福寶，睿寶和輝寶 或萌萌和妹豬～ 另外，奶爸奶媽都係專業團隊，相信凡事佢哋都會比我哋更緊張，留意佢哋嘅成長～ 希望大家可以俾多啲支持，唔好單靠少少畫面就去判斷佢哋愛唔愛，或者保護得好唔好，夠唔夠細心。 希望奶爸奶媽保護家姐細佬嘅時候，都可以保護自己，小心受傷～ 再次多謝奶爸奶媽付出。