突然想講 stephy同林峯 都係我由佢哋出道開始就好鐘意嘅歌手 尋晚見到stephy竟然請林峯做嘉賓 覺得好surprise又好特別 諗諗下其實佢哋原來都有好多相似嘅地方 林峯因為一首《chok》 stephy因為一首《電燈膽》 從此兩位都係高峰期一下子跌落嚟⋯⋯ 記得當時真係好替佢哋傷心💔 但之後兩位都繼續係圈內堅持同默默耕耘 無論係樂壇影壇 都一直做好自己 付出左200%努力 低調用時間同經驗儲返實力值 直到今日 佢哋終於重新得到香港觀眾認同 既有金像獎提名 又有獨當一面既個人演唱會 身為多年fans嘅我 真係有一種一雪前恥嘅感覺 覺得當年既眼光從來無錯 好proud of佢哋🥹 親眼見證兩個近年企返起身 變返有自信嘅佢哋 衝破好大好大既勇氣 克服兩首歌既陰影 其實一啲都唔容易(想像下如果係自己會點面對) 睇住你地係舞台上發光發亮⭐️好開心好感動 同時圓滿咗以前嘅青春回憶 多謝你地🫶🏻 stephy 林峯 電燈膽 chok