嘩‼️阿叔我作為曾經縱橫日本Yahoo多年，個個月寄十萬Yohji返黎嘅骨灰級藏家，老實講，以下呢堆相入面99%嘅衫係從來無喺二手市場上面出現過，亦冇見過，幾乎每一件如果搵得到嘅都係孤品！件件衫都講緊廿幾年前，肯肯定老過手機前大部份嘅脆友，唔好話你未見過，我未見過都唔出奇啦。 正因如此，入Archive Yohji坑最有趣嘅地方就係，你就算覺得我件衫幾正都好，你想跟風？哦好丫你搵到再話我知。即係咩？Catch me if you can囉。仲有啊，啲褸丫帽丫再唔著就無得著，要等大半年入冬先可以再見，我宜家都已經好唔捨得啦⋯堅慘撚過牛郎同織女！所以而家唔著吓影吓唔通等死嗰陣時先著咩？冇得著嗰陣時可以睇吓啲相，以解我相思之苦，仲可以順手諗埋死嗰陣時著邊套衫添。 Ps.潮流興古著，而家好多𡃁囝𡃁囡好興去美芝/美華士買vintage或者難聽啲講叫二手衫褲(唔好誤會，阿叔當年做記者嘅時候都成日去美芝，堪稱styling界天堂)不過講開又講，點解大家會買件幾廿年前嘅衫，而唔係一件衫著幾廿年呢？ 呢個問題好值得各位自稱鍾意Fashion嘅脆友好好反思一下。 留言續⋯