昨晚睇左電影《紅豆》 雖然上畫以後noise不是太多， 但係之前都睇過Trailer， 有少少興趣，就帶住一個好奇心， 入場支持下呢套香港電影。 其實我又覺得幾好睇 👍🏾 起碼睇完個半鐘，覺得好舒服。 拍得幾唯美、幾生活化、人情味小品feel， 啲美術同鏡頭好靚， 沒有過於煽情、戲劇化。 講嘅故事好簡單， 環繞着一間係九龍城嘅舊糖水店， 老字號面對執笠或冇人繼承嘅危機， 香港人都唔會好陌生。 電影講緊經營呢間舖頭嘅一家人嘅健康、感情、社區嘅變遷，種種嘅心路歷程、掙扎， 以小見大，刻劃香港嘅變化。 我都會話劇本同角色設定係幾好， 但係都覺得刻劃可以再立體、深入啲🤔? 亦少少覺得演員可以發揮得更好。 但可能係因為自己嘅生活同劇本有好多相似之處， 所以其實都明白好多角色嘅心境。 最後電影嘅主角「紅豆沙」 🥣 … um… 其實我都幾鍾意食…🤣🤣 但係就喺呢個年代， 最老實、樸素嘅嘢要存在並唔簡單。 例如自己都開咗間舖頭10年， 小店經營，其實唔容易。 電影都好似紅豆沙一樣， 選擇了一條 less嘩眾取寵、娛樂化嘅套路， 但得返場次已經唔多啦～ 有興趣都可以睇吓支持吓💪🏿