最近都有關注一場拳賽 四海vs flash daddy 以技術方面嚟講 我覺得四海爛船都有三斤釘 對於一啲長年征戰擂台嘅人 好多時好多動作已經係深深咁刻入咗個肌肉記憶入邊 至於flash daddy 急起直追追到幾多就唔知啦 不過拳擊嘅規則作賽 雙方由泰拳嘅八個武器變成拳擊嘅兩個武器 就要留返今晚分勝負 剛才突然心念動起 想起一掛預測下今晚嘅賽事發展 （由於拳賽每分每秒都有勝負可能） （相較於平常人問愛情事業財運更複雜） 僅限玄學意見參考 今次有機會比賽拖到中後段先會結束 有機會交俾裁判 因為其實我係偏向四海會唔會終結而心念起 今次比賽對四海嚟講有一種無形嘅壓力 因為鑒於佢嘅立場K.O.唔到其實可以當輸 我嘅預測係四海開頭諗住先玩一玩 控制賽事節奏 去到中後段開始發力嘅時候 發現體能並不想像中咁充沛 當中應該會出現兩到三次有機會K.O.嘅畫面 去到中間嘅時候雙方疲態開始出現 交俾裁判判決