突然諗返以前嘅嘢 個段感情都係真係教識左我好多嘢 我認係我好幼稚 我都認係我好收埋自己 好多唔開心當刻都唔會講 覺得自己可以消化 但係我高估左自己 所有唔開心都積埋一齊嘅時候就會爆發 搞到我地成日嘈交 大家都好攰 明明我好愛你 明明我一啲都唔想失去你 但係我唔知點解每當情緒爆發 就淨係諗到分開呢個念頭 係我幼稚 係我唔識處理情緒 係我搞到關係破裂 係我搞到自己咁唔開心 其實到最尾你唔再鍾意我我都知點解 最初嘅時候 我有魅力 我唔會同你嘈交 任何事我都唔在意 但係到最尾我變成左一個癲女人 我俾越黎越少嘅見面 越黎越冷淡嘅回覆吞滅 我迷失左自己 因為我愛上左一個並冇咁愛自己嘅人 我變得偏執 小氣 咩都亂諗 搞到你好攰 對唔住 同我分開之後你應該好開心吧 唔會再有人同你每個禮拜都要嘈一次 見你最近過得好開心 可能離開我你先可以做自己 係你離開之後 我崩潰過 諗唔開過 偏執過 啱啱分手個段時間我真係好對唔住好對唔住你 我唔知自己點解會咁 我好想見你 係我嘅錯 冇諗過你 直到依家 我都會懷念一開始對我好好個個你 冇嘢可以代替到 當初真誠嘅你 好彩我已經走左出黎 我以後都唔會再幼稚了 祝你快樂