工作日常 話說正話比個下屬問我做乜同親咩人交手，gogovan司機又好，清潔工都好，永遠都係稱呼人地師兄前師兄後 我即時諗起好多年前既第一份工，咁個陣要去一個外判既凍倉度睇拆櫃。當時就想話是但搵個倉務剷一板貨過黎比我check，check完就收野返office 咁岩就見到一個著住XX凍倉上衣(外判倉公司衫)既大叔渣住部剷車經過，我就好聲好氣地叫停左佢，請佢幫忙比板貨我，咁個大叔都無乜特別反應既，都係笑笑口咁剷比我，而我都快快手搞掂就請佢幫忙帶返啲貨入雪房 如是者，連續兩三個星期我都要去做同一樣既野，又咁岩都係比我見到呢位大叔係貨台度對貨，咁當然我都係笑笑口咁搵佢幫手，佢都好好態度咁幫我既 直到第三次check貨，我都識做地買左兩打奶茶過去，然後正諗住去搵呢位大叔幫手之際，貨台另一個成日周圍指揮倉務做野既uncle拎住杯奶茶走過黎同我講，其實你每次搵人幫手既果位大叔，佢係呢個凍倉貨台既大佬黎🤡 好彩當時無對人呼呼喝喝，自此之後我明白職級同衣著，係唔一定劃上等號🫠 P.S. 當時既我，係諗起睇過既漫畫其中一段情節(無貶低意思，只想話呢位大佬選擇著普通倉務衫做野only🫡)