近日淨係睇到stephy演唱會啲片 真係好欣賞佢咁努力，冇放棄過去追求進步 你估堅持容易㗎？ 每條片都睇到我眼濕濕呀 然後睇到啲留言 我會諗點解會打啲咁mean嘅留言呢？咁mean嘅想法？ 同佢成長經歷有關？ 然後我就諗起Parenting style 嘅重要性 如果喺小朋友嘅成長過程中，不停被否定，忽視佢嘅努力 「佢好彩咋，佢邊度叻丫」 「唉，少少嘢都做唔到」 「有冇搞錯啊，全班考第3名咋」 然後佢大個只會用相同嘅眼光去睇呢個世界 只會用否定嘅眼光睇所有嘢 喺雞蛋入邊挑骨頭 學識欣賞，學識讚美，學識同理心 去打破呢個咁toxic嘅循環