有冇養寵物嘅人明，每日為佢地無限付出覺得係值得 寵物永遠唔會背叛人類，又可以挑戰主人嘅耐性 又會氹主人開心，每日返屋企都好似感覺佢哋等緊我返嚟 仲要企喺個籠門口望住我眼甘甘，然後收咗工幾攰都好 都要幫佢哋清潔佢哋住嘅地方要幫佢哋換新鮮嘅食糧 又要收咗工同佢哋傾偈同佢哋玩，雖然會好攰，但係反而做主人嘅覺得好幸福，寵物對我哋好都唔係必然 帶咗返屋企嘅寵物就永遠都係屋企人 寵物同人一樣，其實有啲嘢都係雙向對佢哋好嘅同時佢哋亦都會對返我哋好，但係有樣嘢就係佢哋永遠都唔會背叛