🏮驚安燒肉商店 📍金馬倫道48號中國保險大廈3樓C號舖 聚餐大多數都係打邊爐或者食燒肉, 今晚同幾個朋友仔嚟左尖沙咀嘅驚安燒肉商店食燒肉, 環境幾大而且乾淨企理, 唔會好大油煙!除左有散叫食物, 仲有超人氣嘅九宮格, 一次過試哂佢九種款式, 仲有其他佐酒小食, 而家生啤仲要做緊買一送一, 真係好抵玩!! ✨️和牛壽喜燒 店員會即席製作, 將和牛燒至5成熟, 配上壽喜燒醬汁同蛋汁, 食落肉質滑溜, 香甜味美 ✨️和牛友三角 和牛友三角油脂比例均衡, 肉味濃郁同時食到入口即化嘅油脂香 ✨️和牛三角腩 相比友三角口感軟綿嫩滑, 脂香更重, 放入口中即時化開嘅感覺 ✨️原條手切牛舌 原條牛舌切得好靚, 可以請店員幫忙燒, 食落肉質軟嫩、鮮脆, 多汁爽口 ✨️蝴蝶切和牛牛頸脊 超大片又厚身嘅和牛牛頸脊, 脂肪比較少, 肉味濃郁 ✨️壺漬牛肋肉 牛肋肉醃得超入味, 帶微微甜香, 肉質軟腍 ✨️明太子月見飯 明太子配蛋呢個組合無得輸! 咸咸香香加上蛋汁同燒肉, 忍唔住一啖接一啖咁食