🏮韓鍋酒舍 📍聯發街18號地舖 最近係ig成日見到人食韓式牛腸鍋烚下烚下咁好似幾正咁, 今晚就約左朋友仔嚟到灣仔嘅呢間韓鍋酒舍試下, 餐廳環境幾大, 入到去見到有唔少韓國人嚟食, 相當期待, 餐廳除左有招牌嘅牛腸鍋仲有牛腩鍋、解酒餃子湯同煎餃子等等野食, 當然唔少得啤酒同韓國燒酒!!一坐底店員就會擺底泡菜同蘿蔔比我地食住先, 酸酸辣辣好開胃! ✨️解酒餃子年糕片湯 天氣凍冰冰最岩食餃子湯, 湯汁係雪濃湯嘅味道, 第一次見到咁大隻餃子, 咬落去好juicy, 好香肉味, 加埋煙煙韌韌嘅年糕, 超好味! ✨️牛腸火鍋（中）配炒飯 牛腸鍋除左有主角牛腸亦有唔少配菜例如菇菇同各種野菜, 湯汁唔算好辣, 唔食得辣嘅朋友仔都無問題啊～牛腸口感爽彈, 裡面類似平時食肝藏粉粉地嘅感覺, 食落唔腥而且一d異味都無, 平時唔食內臟嘅我都接受到! 記得食牛腸鍋一定要叫埋個炒飯, 店員會將火鍋湯汁加入白飯、紫菜同泡菜一齊炒, 超級香!!!食落帶有焦香味道, 口感豐富, 大滿足!!