根據2025年最新嘅行業數據，香港外賣市場已經去到一個寸草不生嘅地步。自2023年尾豚殺入市場之後，用咗一個「殺敵一千自損八百」嘅偉大惡性競爭戰略（詳見較早前嘅po），迅速搶佔咗大量市場份額。佢哋一開始用低佣金做餌，外賣佣金只係25%，自取更得5%，遠低於當時袋鼠熊貓同其他平台嘅水平，吸引咗大量餐廳同食客投懷送抱。但好景不常，糖衣裏面嘅尾豚喺2024年突然變面，將外賣佣金加到35+%，自取升到17+%。最近網上瘋傳一張圖，展示咗KeeTa嘅佣金結構，清楚睇到呢啲加幅，仲有餐廳一單生意計晒雜項費用之後，淨收入得返$16.5—呢個數字真係睇到人心寒，蝕本都不足以形容，貼錢打工可能啱啲。 呢種侵略性定價策略，雖然成功將袋鼠，uber呢類競爭對手擠出局，但同時亦都將香港餐飲行業推入深淵。餐廳為咗生存，被迫接受高昂嘅平台佣金，利潤空間愈嚟愈窄，結果就係香港餐飲消費降級嘅悲劇。消費者開始轉向更平、更低質嘅選擇，餐廳亦都無力維持高質素嘅服務同食材。Deliveroo作為一個主打higher-end嘅平台，喺呢個「賤物鬥窮人」嘅市場環境下，根本無得留低。 人人和平老細Mansfield講得好：