唔開放IG DM係有原因。 記得啱啱開始玩 Threads 嘅時候，有唔少人透過 IG DM 我，話有 freelance 工作俾我做，或者想同我合作。 其實我係又感激又有啲唔知所措。原來自己寫嘅嘢，真係有機會畀人睇中，甚至有人覺得值得合作。 但同時間，我都感到一種莫名嘅壓力，甚至有啲被嚇親嘅感覺。 我真係衷心多謝曾經 DM 我嘅人，你哋嘅好意，我係完全感受到嘅 🙏🏼💪🏽。 其實我寫呢度嘅原因，並唔係為咗搵錢，亦唔係為咗接工作。我純粹鍾意寫嘢，鍾意用文字表達自己，更希望可以透過呢啲文字，帶到一啲啟發俾其他人。 對我嚟講，呢份純粹，先至係最珍貴嘅嘢。