利申上年考完DSE speaking 5* 唔係20幾歲重刷新手村 知道冇人care我嘅諗法，但係都想講吓對塔棚呢條題目嘅意見 「正常學生唔會識bamboo scaffolding」 以我認知，佢有俾幅圖+context你。淨係呢一點其實諗得出佢想你講咩。 「有啲人題目簡單D，今次根本靠運」 每一份卷都有運氣成分。中文嘅文可能有人睇過或者熟悉，這是運氣；英文口試有人隊友好，這也是運氣。呢條題目的確有唔公平嘅成分，但要衡量智慧本身就冇可能完全公平。 間唔中都會聽到句笑話「恐懼來自於火力不足」，其實句嘢都幾適合形容呢個case 。勁嘅人唔驚，差嘅人會死。 但係整死差嘅人難道唔係dse嘅目的？你話運氣差，咁可能係，但係你真係有水準嘅話真係會需要運氣嚟幫你贏？講到尾就係能力不足。 其實能力不足真係唔係問題。我中文Lv3, 平時都係班入面墊底,唔係因為運氣差，純粹我能力不及他人。 其實講到尾就係一個人將自己嘅失敗淨係歸咎於運氣而自己冇錯係一種好唔健康嘅mindset 。成績好唔會完全靠運氣，咁成績差呢？