距離送走陪咗我地13年嘅狗狗已經過咗3個幾月🌈 一直以嚟都最乖嘅你 選擇咗喺除夕夜走 將難過嘅事留咗喺2024年 嗰日知道你開始唔肯食飯 就即刻安排第二日飛返嚟香港.. 但Landing完收到第一個message就係「Cookie畢咗業啦」 我都係趕唔切攬攬你🥺呢個會係一世嘅遺憾 但多謝你等我返到你摸摸你之後先安心合埋眼 比我可以同屋企人送你上彩虹橋 我知道你有努力等我🥹 仲記得一開始係我同阿哥細個無啦啦同媽咪講話好想養狗狗 媽咪朋友又咁啱喺一個落雨天 見到你比人連籠掉咗出嚟 然後你就成為我地屋企一份子了🐶 仲記得第一次見你 你太興奮係度跳 嚇到我喊🦦 然後就一路陪住我地大 食咩都關你事 都要承受你熾熱嘅眼神🥵 喺屋企好習慣係咁叫Cookie 得閒就索下你陣味 摸勻你全身 逼你同我自拍 但你一直以嚟都好乖好乖 基本上無曳過 就算到最後成身都係瘡 每次媽咪幫你洗傷口你都唔會郁 好信任我地🥺 到最後你都17歲了 身體機能好差嘅同時 仍然好努力自己行路 自己去廁所 甚至會叫醒媽咪 叫媽咪扶一扶起你 比你可以自己行去weewee而唔係直接瀨 你真係到最後一刻都好努力 唔令媽咪辛苦難過🥺