22. 我send 左一個SMS 同個男仔表白，果下個心跳快到我覺得就黎心臟病，但係對一段曖昧左2年嘅關係，我已經唔想再拖喇。等左一陣，佢打電話比我，我即刻拎部手機黎聽，真係手都震埋。「喂，你知道喇？」 「係呀！好多謝你，不過我覺得未係時候。。。我依家未想拍拖住。」 當下我個心情立即跌倒落谷底。「明㗎喇，唔洗再講，我收線先喇！」「你唔好咁啦！我哋仲係friend黎㗎喎。」佢話。我話：「你比我冷靜下，Bye Bye！」我收左線，啲眼淚係咁流。 果時我roommate 未返黎，我打左比我best friend （即係之前提過由小學認識果個）佢安慰我，然後佢話想黎搵我，不過果時係半夜，我叫佢唔好出門，佢就陪住我喊。 果時暑假仲要去酒店實習，第二日對眼腫住咁返工。 之後佢都有想約我出街，我拒絕左，我覺得有啲尷尬。我一路都唔知到底係我諗多左定係點？點解同我曖昧2年？點解成日send情歌比我聽？點解日日同我傾兩個鐘電話？最後點解拒絕？難道佢真係只想同我做朋友？你哋覺得佢果時係咩心態？ 我決定暫時唔見佢，不過果時仲未放得低。於是多左同其他男仔出街，參加多左唔同類型嘅活動。（待續）