我爸走嗰時都有類似經歷。 我爸過身嗰時仲係六十頭，無預要影定相嚟用，咁我哋搵佢啲證件相。 佢生前係好好手尾嘅人，極少亂擺嘢，咁我同阿媽拎爸爸疊證件相出嚟，一嘢就跌咗張佢四十幾歲時嘅相出嚟，我哋無為意，只係仲話爸爸呢張相時仲好精神。 本身同媽咪揀咗另一張近期啲嘅；點知轉頭開爸爸有個有鎖嘅櫃桶搵嘢，無啦啦有張證件相癡咗喺我手到，又係佢四十幾歲時影嗰張。 我媽已經話如果爸爸真係鍾意嗰張相嘅，應該會再跌多次張相出嚟。 隔咗無耐我哥開爸爸個衣櫃... ...又係跌咗嗰張相出嚟🫣但完全唔可能有張證件相擺咗喺衣櫃到嘅