我想話西班牙人都好好 今日要搭火車落華倫西亞，奴性極重既我係check完交通後發現的士要20歐而地鐵我一條線過唔洗轉車只要2歐 明明差得唔遠但我都決定搭地鐵。 係地鐵站度買飛時啲機成日detect唔到張travel card，搞到我以為自己入錯位於是行埋一邊睇下隔離個姨姨點買飛，睇到一半發現個位冇錯，於是自己行去另一部度買。點知個姨姨自己買完特登行埋黎問我洗唔洗幫手 到入閘時我拍張卡無反應，又有個係度等人既男人無啦啦no我，我以為佢只係話嗰部機唔用得，於是行去隔離個部繼續用 然後發現個喼太大入唔到個閘，我個人入左但個喼入唔到。之後等人個個男人直接出閘幫我拓起個27吋gip俾我 入到去行去月台條路上完又落 落完又上，但因為每段路只係係幾級至十級到，有個叔叔offer幫我手時我拒絕左。到我行到一半時，又有另一個男人見我咁樣好牙煙，同我講左句野，就直接接過我個喼一路拎到去月台 雖然成日講到西班牙好多小偷好危險咁 但西班牙人普遍都真係nice到爆 好感動🥺🥺🥺 最後： 幫公司慳個百零蚊搞到自己咁辛苦做乜，公司根本唔差個少少錢 我之後都係直接搭的士算🙄