天生情婦命 遇到嘅對象，好多時都係有伴侶 但係選唔選擇，都係睇自己 冇得事事怨天尤人 自古以來情婦呢個身份，有好下場嘅屈指可數 聽過眾多嘅案例之後明白 其實命主好多時，都係形容自己身不由己 情感唔由自己控制，理智未能主導 所以先會沉溺其中 女：佢話佢唔愛個老婆，但係為咗小朋友， 迫於無奈先至繼續落去，我先係佢最愛嘅人。 咁我爭取我嘅幸福有咩錯？ 我：咁你可以點爭取？ 女：我打去鬧佢老婆，話佢知佢老公偷食。 等佢主動分手，唔好再糾纏喺呢段關係。 佢哋明明都唔開心，點解仲要繼續落去？ 我：咁佢老婆有咩反應？ 女：佢老婆話，冇迫過佢留低。 由得個男人自己選擇。 我：最後呢？個男人點樣選擇？ 女：呢個就係我搵你嘅原因， 佢始終都係唔捨得離開個家庭。 個男人仲鬧我點解騷擾佢家庭。 但佢又控制唔到自己同我斷聯。 有咩方法可以令到佢決絕同老婆分開？ 我：應該決絕分開嗰個係你。 唔講對錯，唔講因果。你而家開心咩？ 留言續