唔知係墨爾本呢邊有冇人鐘意做舞台劇,岩岩睇完最新果集<我推的孩子>,最初因為睇左兩個好可愛既bb係度跳舞所以睇,但後尾知道呢套係講演戲所以繼續睇 以前第一次接觸舞台係讀u既時候有科gen科,個project竟然就係要你排套戲出黎,之後一試難忘,鍾意左舞台呢樣野 今集既我推講緊主角排既套東京Blade終於上映,開幕就係特大螢幕逐一介紹主角出黎,完全冇諗過日本既舞台可以咁燃,動作場面加埋舞台燈光同埋螢幕,仲有打鬥既音樂,如果現實既場景都有咁既feel,現場睇既沉浸式體驗應該好正,亦都估唔到係動畫上面既舞台劇場景可以用咁既形式表達出黎,睇完都好感動 呢集其實最主要講一個一直被人話靠靚仔既演員,點樣係呢個高手雲集既舞台靠一幕令自己發光,靚仔一路都知自己唔得,好想靠努力去填補,但因為以前都冇好好努力,所以要磨練都唔夠時間,呢個時候主角就教佢要成套戲都好好演技就無可能,但係只要專注做好一幕就足夠 靚仔於是揀左個打戲黎練,練到將啲動作可以去到同套舞台劇既原作漫畫一樣,佢成功將拋劍再接返既動作還原,變左所有人都眼前一亮,然後再將自己一路被人睇死既唔甘心,成功代入左佢既角色上面,同角色同化