平時搭Uber，點都要揀個寧靜mode。無鳩端端同個司機尷尬地買魚頭搭魚嘴，係對人嘅精神虐待，不論乜鬼I人定E人都好。 喺嗰個一啲都唔風和日麗嘅weekend，我攞住成袋污糟衫，準備狗衝返屋企。見到Uber彈咗個Xavier咁嘅樣icon (in case你唔知邊個，睇圖)，嗯，南亞巴嚟。是鳩但但啦，最緊要咪撚我狗兜路，直路狂彎路都狂，唔使七日後先返到屋企就得。 落到樓，拉開車門，出發。安全帶都未扣好，Xavier開始嚟料，以下鳩噏係本人google translate式翻譯。 Xavier：「咦，你係老師嚟㗎？禮拜日都喺大學出現？」 我：「我學生嚟咋，而家住hall，weekend返屋企瞓，哈哈😬」 迅雷不及掩耳，我帶上毒撚恩物，隔絕外間好多嘅聲音。Xavier呢個時候，挨住窗托腮沉思，望住佢背影就想遞煙俾佢。紅燈一熄，轉黃燈，Xavier就俾油上highway，然後就開始講嘢。仆街，我俾曬signal你，唔諗住有司機乘客膠流流呀！ Xavier :「大學就令我諗起好多嘢，有啲回憶總係令人好沮喪好失落🚬」 唔想知，唔想理，理得你失落沙洲。我淨係想返屋企，即刻馬上現在。