趣事一則 話說今日葵盛游完水行咗落葵廣掃街，同個frd買完碗麵企咗埋一邊食，好不幸地嗰個位係倔頭路，食食吓有條友走埋嚟，一睇個款就知係要人做問卷，我就心諗屌。走唔到 佢問我哋係咪大專生，我即刻話唔係，繼續食麵。跟住佢話自己係唔知咩intern，搵緊啲大專生填份嘢幫手搞Ocamp嗰啲 跟住我話：「我哋畢咗業㗎啦，係個樣睇落後生啫。」 佢又問我哋邊間U畢業 定dse，我心諗 dse？？😂😂😂我真係咁年輕？😂 跟住我話：「我哋外國返嚟㗎。」 佢又問英國法國定澳洲 我話：「再遠啲㗎。」 屌佢老味，佢問我係咪非洲😂 見我唔撚理佢，佢就想打我個frd主意，喺度問佢係咪i，幾多個%i，可唔可以同佢say個hi，然而我個frd全程冇講過嘢，淨係掛住笑 我直接話佢其實係e，不過係啞嘅。跟住佢夾硬遞咗部電話比我個frd叫佢填，我frd填咗個假名，留空咗個電話，佢又要我個frd填埋電話。之後我個frd開咗contact，填佢個frd嘅電話，然而佢set個frd個名叫「兒子」😂，跟住條友見到就好撚好奇，問呢個究竟係佢邊個。 我個frd都係唔撚出聲，於是我就話：「好明顯，呢個就係佢個仔啦！」