今日除咗有白頭復刻塗裝列車展覽外，另一單交通迷圈子內熱議大事係「陳賓賓議員」被放風，聲稱城巴投得安達臣道石礦場嘅新路線 - - - - - 經營社交媒體專頁多時，不難會從友好口中得悉各式各樣嘅風聲，有啲人甚至希望我哋可以藉助網上影響力幫手發放（放風） 然而於網絡世界上，唔通講嘢真係唔需要成本咩？任何網民都需要為自己講過嘅嘢負上文責 於是收到消息後，講唔講、點解要講、講幾多、點樣講？全部都要諗過度過 所以敝站甚少出放風嘅文章 畢竟放風其中一個原則係「保護消息來源」 大家網上打幾句嘢唔難，但若果你嘅友好因為你打嗰幾句而蒙受損失甚至無咗份工，咁就好唔抵 另一個原則係應要從唔同渠道求證，合理情況下應該要從兩個互不交集嘅消息來源驗證 - - - - - 至於如此發放「城巴中標消息」，當事人係一時貪玩、定有其他Agenda？定其實呢件事根本唔存在？既然陳尊貴已就事件報警，咁就等佢哋查下先知了