📍🇳🇿 紐西蘭由南島北島組成，原本以為最出名嘅奧克蘭先係首都，之後先知威靈頓地理位置係南北島中間，所以由1865年就成為左紐西蘭首都。 🏨M Social Auckland 今次主要介紹北島，酒店位於奧克蘭市Downtown碼頭同Britomart火車站附近，兩個地方都可以買AT Hop交通卡，但只係奧克蘭市通用，價格NZ$5，自己再top up。酒店房部面向海景，可以睇到日出，而且房間電視有免費電影提供，有膠囊咖啡機同熱水壺，但雪櫃唔夠凍，另外明信片冇郵票都會免費幫你寄。 📸奧克蘭市景點推介 1. One Tree Hill獨樹山⛰️ 係市中心都可以感受大自然，由Greenlane站行到山頂大約1小時，可以去山頂睇哂成個奧克蘭市，又可以睇到入面農場嘅🐑🐄，又可以係草地上野餐，會見到好多唔同品種嘅雀鳥。雖然當初唯一係山頂上嘅樹已經冇左，但係呢個七萬年前火山爆發後形成嘅火山錐上踏足，欣賞靚景好正，建議午後早啲到，會見到多啲羊同牛。 2.Waiheke Island懷希基島🍷 由Downtown碼頭去要40分鐘船程，一程NZ$29，島上有好多酒莊，大約NZ$20-30可以試幾杯。