CLS 《花腐》個中文翻譯真係離晒譜！ 睇到放棄人生🫠直情想幫佢再譯過 覺得翻譯唔識日文唔緊要、但英文同中文都有問題 套戲太長啲問題多到記唔晒！真係只能列幾點堅嬲嘅 1. 兩位男主角連名都錯，一位係栩谷（因為後面有出個漢字出嚟、字幕就咁音譯咗做九谷），另一位係伊関（寫伊關無問題，但中間無端端變咗「伊勢」同「井關」） 2. 回憶中有個位伊関叫祥子換過啲セリフ多啲嘅角色，英字用lines 無問題，中文變左咩「要分線路」睇到我都吓出嚟 3. 講起「吓」，覺得翻譯係忘記咗有個字叫「喂」佢連Hey都係譯「吓」 4. 同埋佢忘記咗標點符號其實係有引號，「《粉紅》電影」下下出書名號係想點 5. 好多英文字詞嘅「直譯」無睇context無睇畫面、姐係佢講handle就真係就咁譯「處理」咁，けんか英文寫fight中文走去寫「奮鬥」 6. 無睇畫面，所以前後會啪錯句，最離譜當然就係條女嘅いく變「我要射精了」 7. 英文否定式問題，唔識分人哋個No唔係不 8. 山口百惠首歌あなたの呼びかけ，英文出Your calls、中文走去「你的來電」 講真，名威字幕差都唔係第一次，但今次真係太誇張