可以嘗試練好離合控制同起步停車 搵多啲唔同類型嘅電單車基礎操控嘅片睇 要習慣好快速咁搵到“半離合狀態”。 可以自己試下，吊離合後車郁就即刻㩒返落去，重複多幾次。 當你熟練之後，開始嘗試郁嘅時候比小小油起步，同時上埋左腳，咁就會好順。 停黃格基本上你可以係黃格前先落離合，再頭制腳制一齊落都無咩問題。但呢個方法唔適用於衝23km燈。（會撞到好應，唔好嘗試） 轉彎方面，望向你出彎方向嘅直路。 假設你元朗場黃格開出後左轉，就望向你大約8點半方位，順住去，身體微微瞓落左邊。當你入到直路後，視線向返前，身體傾返正就得。轉彎期間唔需要扭油，亦唔需要落break，順住去就最穩陣。 我都係元駕強制出身，元駕個場算唔錯，冇暗斜問題。