即係唔係盲目鍾意日本 但係好多方面日本真係好好，包括揸車。 對比下香港日本澳洲： 香港 近幾年睇香港啲車cam 片，覺得啲人都幾瘋狂，好多時寧願撞都唔讓一個車位，見到前面慢車或者cut線都唔會收油，又或者乜都呠一餐，有行人行過馬路又唔會讓，覺得自己揸車特別清高好似大晒咁，但當然行人過馬路應該都要睇清楚唔好老馮咁。 澳洲 太多快線L，可能係由於澳洲呢邊唔一定要駕駛學院學車，而係有牌嘅人就可以教，但可能本身有牌嘅人根本都揸得唔好，或者唔知道交通規矩，諗住跟住個限速行/或者低過限速一直行快線，結果有啲心急嘅司機就左cut右cut造成危險。巴士離開站時又唔會讓（呢個係澳洲讓路法例）。 另外有幾類車都係揸得特別危險- 爛車/UTE/泥鬼，特別係UTE完全覺得自己係道路王者亂衝左穿右插。 澳洲捉超速非常之嚴厲，超少少都罰得好甘，路面間唔中有警察用雷射槍，或者有架van仔放超速相機，又有school zone突然會降低車速，所以澳洲揸車非常之大壓力。 但係澳洲整體嘅人揸車都算有禮貌，打燈一般都會讓，而且見到行人過馬路基本上一定會收慢讓路。 日本 篇幅有限，在留言處繼續