靈異 故事一 小學三年級時去粉嶺浸X園學校旅行，嗰度嘅燒烤場係一條斜坡上面，中間是石屎路斜坡，左右兩邊是草地，嗰日我喺斜坡下嘅地方同啲同學玩緊紅綠燈，有另外幾個同學問我上唔上去燒嘢食，話已經透好爐，咁我仲想玩多陣就話你哋上去先啦，我陣間上嚟搵你哋，咁如是者我就玩多左一陣就走上去會合佢哋。 我自己一個行緊條斜路時，見到兩邊草地就身痕走左去行草地，右邊草地望上去見到有個似宿舍嘅地方，外面係用鐵絲網圍起咗，鐵絲網外有啲樹枝垂左落嚟半遮個鐵絲網，我行緊上去離遠見到好似有套衫喺宿舍外面，但好奇怪哋唔似係掛起，因為嗰度有張以前公園嘅綠色長櫈，但又唔似係晾喺張櫈度，仲要有頂路飛咁嘅帽，其實就係似一個透明人著住左套衫戴起頂帽坐左喺長櫈度，咁正常係唔會咁架嘛，小學雞嘅我冇諗到靈異嘅方向，只係想行埋啲睇下點解咁怪，唔通唔係用晾衫竹係用魚絲或繩？ (留言續)