其實呢篇野嘅樓主個思維好清晰，心水好清，我唔熟閩南語有關嘅片，但睇完維基之後閩南語係以「泉漳片夏門話」為標準，然後「台語」亦都係泉漳片嘅其中一種，所以台語係閩南語其中一個方言唔係錯曬 以我所知，台語係撈左唔同嘅日語字喺入面，發音都似，但咁唔化表台語係變左第二種語言，其實要分係咪變左第二種語言，除左政治上要分成兩語語言之外，最簡單直接嘅方法就係用台語去同講夏門話嘅人去溝通，如果兩邊嘅溝通上冇出現問題，咁基本上可以視為同一語言。 再者，本來所謂「中文」係泛指漢語嘅文字，當然我地會問：「你識唔識講中文？」黎問識唔識講漢語，但本來「漢語」係指「漢語族」，係包含所有漢語（粵語，吳語，閩語etc），所以suppose台語，廣東話同普通話都係屬於「漢語」嘅一種，只係中國政府將「官語（普通話）」定義為「標準語」，其他漢語先會成為「方言」 但問題係：點解中國政府將普通話以外嘅漢語歸類為方言，台灣人就要將台語由閩南語分出黎，獨自成為一個唔同嘅語言呢？點解唔將台語「升level」，將佢同官語（普通話）睇齊呢？（留言續）