《換膀胱喉嘅恐懼》 ⁡ 一個月一次最驚嘅時間又嚟啦！ 今日係社康姑娘上門同我換恥骨上導尿喉嘅日子 講返點解我咁驚…… 係因為我每次換喉 即使食晒醫生俾我嘅所有止痛藥 但仍然會覺得好痛😭 掹喉嗰時又痛，插返嗰時又痛 ⁡ 尤其上次條喉由於我有啲感染嘅情況而喺膀胱啜實咗 導致姑娘幫我掹走條舊喉嘅時候痛到我😫😫😫 痛到又流眼淚又成頭汗😫 仲搞到條新喉俾啲血塊塞咗半日！ ⁡ 講返今日先， 姑娘大概11:35上咗嚟 一路同佢傾偈其實減輕咗好多驚嘅感覺 我呢個社康姑娘係超級好嘅姑娘 佢好清楚我鍾意速戰速決 即使好痛，都盡快幫我掹咗條喉插返條喉 ⁡ 今日都係痛，姑娘叫我深呼吸 不過今日條喉冇上次啜得咁實 變相掹喉嘅時候冇咁辛苦！ ⁡ 我好勇敢，今日無流眼淚Yeah~✨✨