今晚boxing day同朋友搞咗個Christmas Party，有個FD 聽波友介紹咗一間叫「豆煮便飯」嘅港式到會。我哋原本諗住聖誕Party啲到會都唔預期會好好食，大家有嘢填肚就算，重點係交換禮物同gather下。但呢間嘢真係難食到忍唔住要出Post投訴。 首先，睇餐牌已經有啲伏，基本上係大量澱粉質嘅飯、麵同薯仔，完全係質飽你。兩盤4磅飯、4磅意粉同2磅薯仔絲。素春卷就係春卷皮包啲粉絲，而咖喱拼盤最多嘅竟然係燒賣，成餐都係澱粉為主。 逐樣講食物，前菜算係唯一正常嘅部分。酸辣土豆絲啲薯仔唔夠新鮮，雲耳拍青瓜個青瓜其實係切開嘅，唔係拍過。 食到串燒開始出事。串燒其實都好難整得難食，但呢度每一串味道都奇奇怪怪，尤其係雞腎，勁怪，臭臭地酸酸地，成枱無人敢食。豬肉片又係怪味兼怪口感，牛肉同雞肉反而變得相對正常，算係入得口。 咖喱拼盤更加離譜。燒賣配咖喱？痴撚線。仲有啲味同零食魚肉腸一樣嘅腸仔，味道同口感都極奇怪。加少少炸魚蛋同其他不明丸類，少到幾乎見唔到白蘿蔔（白蘿蔔係咪好貴呀？），成盤嘢似廚餘，咖喱味道怪到冇朋友，食材同港式咖喱完全唔搭。 留言續 : 多倫多 多倫多 多倫多