🇬🇧🇭🇰各地面試風格 試過喺唔同地方面試同做面試官之後，我發現每個地方嘅面試風格都唔同，等我分享吓嘅個人經驗（法律界）。 商業意識 🇬🇧一般都注重。要做一個好律師，除咗精通法律之外，仲要對市場同行業發生有好嘅了解同分析能力，咁先可以好好咁湊客！所以喺面試入面都會討論時事。 🇭🇰一般ifirm都注重，不過程度無禁高。我曾經係面試嘅時候問咗啲有關市場波動嘅問題，結果一律都係不予置評。 私生活 🇬🇧一般都係問CV上嘅嘢同啲law嘅問題。對於你嘅私生活一般都唔會問。如果問咗，你係可以選擇唔答。 🇭🇰曾經聽講有啲老闆喺面試入面問啲好個人嘅問題，譬如幾時結婚生仔。雖然我理解問呢啲問題嘅出發點，但係我完全唔同意用呢啲問題嘅答案去決定請唔請一個人。呢個年代，學識尊重員工係管理層嘅重要課題。 語言能力 🇬🇧🇭🇰語言能力，真心去到邊都重要。喺香港，如果你兩文三語都勁嘅話，其實你都吃香嘅。如果仲識其他語言，咁市場點差，你都唔洗太驚。喺英國情況更甚，我當時只係因為識中文（當然英文為主），就好似罕有物種咁，成日做啲難啲嘅嘢，從而容易得到重用同更多嘅表現機會。 Probono/業餘活動 - comment繼續