石門10K- 1,200人補貼你400人會內賽？ 個賽有1,600人，但賽道唔闊，亦冇封路。 但見有AIMS同自己想做好少少時間，加上睇到大會備註（如下節錄），所以早起步45分鐘想去排第一組： 「本賽事有可能按相關部門要求作分批起步，得獎成績將按第一組開始時間計算(大會時間) 。第一組人數有限，如要爭取獎項，請務必預早在起步區等侯。」 點知上到線排第一行先發現，無論幾早去都係排第二組，因為賽會預留咗400個位俾第一組。 我明白種子選手同贊助商VIP有位係好正常，但最多咪幾十人。點知原來贊助商跑會學生報名，號碼布上會印咗P字，無論幾點上線都可以直入第一組，排喺種子選手同VIP後面。 呢樣嘢之前報名冇講過喎！ 我知你哋有會內賽，但大家都係交足錢$330，你仲話早到可以排第一組。點知最尾你就放哂P跑會學生喺前邊，結果頭一兩公里一樣塞車。 咁對早上線嘅跑手（即使我哋呢啲慢腳）好唔公平，更加打擊一眾有實力爭排名但非種子及非P跑會選手。 其實其他安排都好好，偏偏諗起呢樣就覺得唔抵。 RunningThreads