其實，如果跑步前做靜態拉筋好大機會會令我哋跑慢咗。 靜態拉伸會降低Activate肌肉的能力，亦會削弱肌肉產生力量,即所謂「stretch induced strength loss」。好多研究發現，運動員喺靜態拉伸後產生力量嘅表現，比起拉伸前下降。甚至做太多靜態拉伸可以令肌肉力量暫時下降約30%。 另外，好多人做運動前覺得唔同地方好緊，所以要拉筋拉返長佢。其實呢樣嘢都未必正確，一個地方緊有兩個原因可以導致： Shorten/Tighten 假如你係因為每日坐10幾個鐘令某啲位置好少郁動，呢個係Shorten，靜態拉伸對佢有用。 如果冇長期保持一個姿勢，而係做完運動之後覺得身體好緊，呢個一般係Tighten,原因係來自於肌肉嘅自我保護機制，當我哋身體覺得好疲倦，就嚟受傷，身體嘅肌肉就會做出代償機制去收緊，所以呢個嘅源頭唔係我哋嘅肌肉，而係我哋嘅腦。 所以如果我哋係Tighten而去做靜態拉伸,佢可能只係減少我哋嘅肌肉張力，而唔係幫我哋拉長。  當然，熱身一定要做去預防受傷，所以動態熱身、Mobility,drills 會係更好嘅選擇，下次再解釋吓。