如我所料,全馬真係衝唔到3小時內。其實最後2個月既月跑量跌破300公里個時就知道SUB3係無咩可能既事。唯有下年再堅持維持300公里以上既跑量啦! 全馬起跑前我心裡真係一團火咁,唔信邪,勢要破3小時。努力動態熱身,保持身體溫暖,要以最佳狀態上戰場。上線盡量排更前, 幸好同鳴槍時間差數秒。鳴槍後衝出去,一直叫自己唔好超速,頭十公里必須要慢過目標配速5-10秒,要輕鬆的。十公里後稍微加速,去到半程時身體有少少疲倦,比上年多少少輕鬆感覺。決定再加速,希望後半程要快過前半程少少。直至30公里前還可以有力加少少速,落西隧還可以頂得順,出西隧稍微減速直上天橋。上到天橋頂突然大腿抽筋,停路邊拉下筋舒緩下,30秒後跑得,但係上唔到目標配速,看著手錶時間一秒一秒過去,SUB3的機會愈黎愈遠,極度絕望,就算後面幾公里有力加返速都係差幾分鐘,一直搖頭對自己好失望,最後以3小時後幾分鐘跑到終點,好後悔點解唔再努力D再堅持D每日跟返課表呢?難得好努力補給,難得有新碳板鞋加持,難得遇上好天氣,無言! 呢次比賽知道維持4:15三小時真係唔易!!!期望接著一年要努力適應4:15甚至4:10 PACE