由星期六到依家 我地都未收到樂園方面電話通知話搵得返呢隻Oswald，我地當然都非常失望，雖然不得不承認我朋友自己都要為冇好好保管Oswald而負責，但其實香港迪士尼嘅工作人員，以至現有嘅樂園規章制度，都冇好好確保遺失物品嘅賓客同園方自己嘅利益。 早前樂園商店商品盜竊情況嚴重，有不誠實賓客喺樂園商店偷貨，結果樂園高調報警，並且派出便衣警員假扮賓客喺樂園商店内外巡邏，成功捉到一部分偷野嘅賓客。但係如果因為賓客因為唔見嘢，甚至連賓客喺餐廳買嘅食物、BB車都比人偷嘅時候，樂園又有咩有效嘅方式，積極主動去做protection，等賓客可以開心咁離開樂園呢？ 如果大家都好似 @uaregreatandok 咁熱愛Oswald嘅話，相信都知道呢款Oswald KC其實每一隻都有少少分別，可以話每一隻都唔同。今次我地有提供埋相片比樂園去尋找失物，但到依家都未有電話跟進，就算未發現都好；而現時大家入場嘅時候，因為安全需要而要簡單安檢。但離開就豪斯無掩雞籠咁。既然每日園内都有人唔見甚至有人因為一時貪念，而偷取其他賓客唔小心掉落嘅物品，而非交去City Hall的話 （留言續