呢個comment要貼堂，因為同影菲林相（或者generally 論攝影）一樣。近幾個月開始多用threads，按觸多左香港嘅討論，先見到原來香港有d阿叔龍友咁眼紅年青人影菲林相。久唔久見到有post話當年，講後生仔剩係識影即棄菲林相機，阿叔想當年要點點點喺darkroom學，又要測光乜乜物物。而新一代乜都唔識又要學人影。 接觸興趣，點都有一個入門階段。你當年學影相要點點點，歡迎你分享，想拋書包都可以，但真係冇必要踩低人。呢個年代市場流行即棄相機，咪多人影，入坑都總有個開始。平時見到有後生仔問點解影出黎炒晒，其實呢d時候可以正面d咁鼓勵，又或者帶年青人了解返菲林，鼓勵佢地學多少少，用部質素穩定嘅相機。而唔好似某d留言話不如你學下點影相先啦。影左幾十年相，笑一班剛剛按觸攝影嘅後生仔，不如俾d風度好冇。 菲林買少見少大家都知，冇左年青人貪新鮮玩菲林，呢個市場更加難走落去，如果大家正面d令佢地想了解更加多，件事會更美好。遲出世唔係罪黎嘅，菲林開始末落個時，佢地先岩岩出世，而家笑後生仔唔識影菲林嘅人其實就係當年唔再用菲林而轉用數碼嘅人。隔左廿年後，反而笑人影菲林。（1/2）