計算卡路里同營養攝取係飲食計劃中好有用嘅工具，但係偏偏對一般都市人嚟講就係最難做到嘅一環😭所以今次就分享一下係唔計算卡路里嘅情況下點樣令到減肥仍然有進展😤 1️⃣ 每週至少1-2日阻力訓練 阻力訓練過程嘅消耗量唔算高，佢嘅主要作用係提升肌肉量、基礎代謝、保持體態嘅立體感同線條💪🏻（有肌肉先有線條架！） 2️⃣ 每週1-2日帶氧及其他運動 除咗阻力訓練，都好建議喺額外嘅時間做多一至兩日30分鐘以上嘅帶氧，或者其他運動（各種球類活動），種類可以多元化，最緊要增加消耗量😆 3️⃣ 每週影相紀錄 InBody數據可以有好多因素影響（可以睇返我以前嘅post），但係照鏡影相就冇得呃，肥咗就係肥咗，瘦咗就係瘦咗🤓我會建議每星期固定一日嘅早上空腹狀態影相作為記錄。 4️⃣ 每週目標減0.4-1公斤 訂立好每星期減0.4-1kg嘅短期目標，令你整個減脂期可以更有系統地令你減脂成功🥳成日見到3個月減幾多磅，但常見嘅會係一開始好有成效但太chur，到後段就好想放棄😞所以你可以喺0.4-1kg呢個範圍搵一個可以持續做到又唔會太辛苦嘅減脂速度😉又或者以階段式方法由少至多 / 多至少嘅進展去減。 留言續👇🏻