啱啱喺日本返嚟香港，去咗嗰度13日，未去之前就好想去，但係都去到嗰度就反而唔夠三日就掛住香港，主要係因為同行嘅朋友好唔掂，所有行程搵路靠晒我，幫唔到我仲要阿吱阿咗講埋啲無謂嘢，你知日本好多火車線，譬如我哋要坐JR線，佢見到有個地鐵站出入口佢就問我做咩唔行去嗰度問我睇唔睇到？我覺得佢窒我多啲 又有一日係一早坐車去鎌倉，可惜天氣唔好落大雨，佢就唔高興又話做咩唔改去其他室內地方🤦🏽‍♂️ 佢又鍾意打卡，自己不停影，但又要我幫佢影，要影到佢滿意為之嗰隻，佢會教埋你要用依個依個角度去影,要影到有樹枝(有層次)腳嘅底下唔可以留太多空白地方等等等等…真係影到我發憫憎! 有一次試過食食吓壽司去中途走咗出去舖頭坐，我問佢做乜事，佢話唔鍾意間舖頭啲嘢好唔衛生，所以自己走先可以抌低我，同啲咁嘅人一齊去一日都嫌多，以後都冇下次！ 自己一個人去旅行仲開心