發惡夢 勁恐怖 嚇到我醒咗 出哂汗 仲要成個夢喺好耐之前都發過一次🤯 我好似舊磁石咁吸晒啲人嚟隊冧我，勁恐怖 我衝咗返屋企，因為有個女人好恐怖想拆咗嗰門入嚟，我準備關門嘅時候，出面有個細路女哀求嘅眼神望住我，唔忍心留佢喺出邊咁恐怖，就好快咁閂門，個女人就衝過嚟同我鬥力，佢喺我面前嗰樣放到好大，好猙獰，好彩最後一用力都閂到門(⊙_⊙) 就算我喺屋企，好多人會喺樓下/爬窗/爆門想入嚟，我去邊間房匿埋都唔得，因為見到全部窗都有人爬緊 幾經辛苦唔知點解跑走咗，落到地下，衝去馬路睇下有冇車停一停救我走，真係有架銀色私家車dup brake開門俾我，好驚啲人追到上嚟，上到車就叫司機快啲開車，開下開下冇人追到之後以為冇事啦，但嗰司機揸返架車去原來嘅地方，嚇到我搶佢軚盤，想走想走，但好快就有好多人圍住架車，幕後主腦(?)上車一槍殺咗司機，再一槍對正我額頭 boom  跟住場地一轉，我喺商場，周圍都係殺手，有啲途人，我喺咁跑上跑落扶手電梯，盡頭一定有人見到我追住我，跑去啲鋪頭匿埋，啲殺手搵得勁仔細，好似完全走唔甩咁，但我唔想被人捉住，唯有一直跑一直跑